الكلاب الضالة والشلاتر وكلبك الوفي الحارس قديما يكتبه حسن ابوخزيم

خلال الأيام القليلة الماضية ظهرت علي السطح ظاهرة الكلاب الضالة بعد أن زاد تناولها إعلاميا وذلك لوضع حلول لتلك الظاهرة التي حلت علي الشعب المصري
وبخصوص ظاهرة الكلاب والرفق بالحيوان لازم نبقوا رفقاء بالحيوان دا ضميرك يحتم عليك ذلك
وبعد أن أصبحت الكلاب ظاهرة بالشوارع ولم تكن قبل ذلك
ولكن زمان لما كنا في البلد والناس اللي ساكنة في الغيطان تروح البلد بالحمارة كان كلبك اللي في البيت لايسيبك خالص كنت تروح القهوة وهو قاعد جنبك بعيد عن الناس وبستناك لما تخلص الساعة 1ولا 2بالليل بستناك عشان يروح معاك وماشي جنب الحمارة وكأنه حارس لك
ولما كنت بتروح الغيط برضوا كان بيروح وبيسرح معاك ومش يسيبك خالص
ولما كان بيبقي معاك مشوار علي اي بلد كان برضوا يروح معاك ومش بيسيبك
انت بتنام بالليل وكلبك مش بينام حارسك وحارس البيت ولما كلبك يهوهو اعرف أن جنب البيت فيه حاجة غريبة كنت تقوم تكع عيارين في الهوا دا زمان زمان قبل مايكون فيه نور ولا كهربا ولا ونس لما كان بيبقي جنب البيت شامي ولا كيضي عالية وتحس فيه خروشة
بس موضوع ظاهرة الكلاب الان فيه ناس بتعمل فيديوهات وتعمل تريند والعملية مكسبة معاهم دولارات
واخيرا فيه إجراءات حكومية عشان تعمل شلاتر وتعقيم وتحصين للكلاب الضالة بدلا من السعار وتخويف العيال والأطفال الصغار خاصة أن اجتماع مجلس المحافظين الاخير ناقش تلك الظاهرة ووضع عدة حلول لتلك الظاهرة والمحافظين يقومون بالتنسيق مع المجتمع المدني وتوفير مساحات لإقامة شلاتر للكلاب الضالة بهدف الحفاظ علي صحة وسلامة المواطنين وتوازن البيئة
وتبقي الرحمة والرفق بالحيوان عشان ربنا يرحمنا ويزيح عننا وعن العالم الأزمات الاقتصادية اللي خلت علي العالم من مفيش دولة قالت كلمتين معجبتش التانية الحرب قامت ومش خلصانة
الرحمة