اسهل طريقة لكفتة الدجاج مع التومية اللذيذة

وصفة : سوزان فؤاد

وجبة تكفي 8 افراد

مدة التحضير 20 دقيقة

مدة التسوية 30 دقيقة

لو كل مرة كفتة الفراخ بتفك منك أو بتطلع ناشفة جربي الوصفة دي هتطلع معاكي طرية متماسكة وعصارية من أول مرة

المقادير:

– 1 كيلو صدور أو أوراك دجاج بدون عظم ويفضل الوراك

– ملعقتين كبار من الدوش او اللية

– بصلة متوسطة مبشورة ومصفاة من الماء

– 4 فصوص ثوم مفروم

– 1/2 كوب بقسماط ناعم

– 1 بيضة

– 2 ملعقة كبيرة بقدونس مفروم

– 1 ملعقة صغيرة ملح

– 1 ملعقة صغيرة فلفل أسود ناعم

– 1 ملعقة صغيرة بابريكا مدخنة

– 1 ملعقة صغيرة بهارات فراخ

– 1/2 ملعقة صغيرة كزبرة ناشفة

– 1/2 ملعقة صغيرة كمون

– 1/2 ملعقة بيكنج بودر

الطريقة:

اغسلي الفراخ جيدا واتركيها في مصفاة لتصفى من الماء جيدا

1 افرمي الدجاج ناعم في الكبة مع اللية او الدوش

2. أضيفي البصل المصفى والثوم والبقدونس والبقسماط والبيضة وجميع التوابل

3 اعجني الخليط كويس جدًا لمدة 5 دقائق ولو متوفر اضربيه مرة تانية في الكبة علشان يبقى ناعم ومتماسك.

4. غطي الخليط وسيبيه في التلاجة لمدة 30 دقيقة

5. ادهني ايدك بزيت نباتي وشكلي الكفتة على أسياخ أو او في خلة خشبية ثم اتركيها ترتاح في الثلاجة نص ساعة

6. اشويها في الفرن على 200 درجة أو على الجريل، مع تقليبها لحد ما تستوي وتاخد لون ذهبي جميل

لو هتعمليها في الطاسة

ادهني الطاسة بنقطة زيت وشوحي الكفتة على نار متوسطة مع التقليب لحد ما تستوي من كل الجهات.

تكات نجاح كفتة الدجاج

استخدمي البصل بعد تصفيته من الميه علشان الكفتة متفكش

العجن الكويس هو سر تماسك كفتة الدجاج

الراحة في التلاجة قبل التسوية بتخليها تمسك نفسها ومتكشش

متقلبيهاش بدري، سيبيها تاخد لون الأول وبعدها اقلبيها بهدوء

طريقة عمل التومية

المكونات

– ملعقتان كبيرتان نشا.

– كوب ماء.

– كوب زبادي.

– 4 ملاعق كبيرة مايونيز.

– 4 ملاعق كبيرة زيت نباتي، ويفضل زيت الذرة أو زيت عباد الشمس.

– ملعقة كبيرة ثوم مفروم.

– ملعقة صغيرة ملح.

طريقة التحضير

أذيبي النشا في كوب الماء مع التقليب جيدًا حتى يختفي تمامًا ثم ارفعي الخليط على نار متوسطة مع الاستمرار في التقليب حتى يصبح قوامه كثيفًا واتركيه جانبًا حتى يبرد تمامًا

انقلي خليط النشا إلى الكبة أو الخلاط ثم أضيفي الزبادي والمايونيز والزيت النباتي والثوم المفروم والملح واخفقي جميع المكونات حتى تحصلي على تومية ناعمة كريمية ومتجانسة ثم احفظيها في الثلاجة قبل التقديم

وتقدم الكفتة و التومية مع الارز البسمتي او العيش السوري حسب الرغبة

استمتعوا بأشهى الوصفات وأطيب الأكلات مع وصفات سوزان فؤاد… صحتين وهنا