العمل عن بعد واطفوا الانوار لترشيد الاستهلاك يكتبه حسن ابوخزيم 

قرار مهم اتخذته الحكومة بالعمل عن بعد يوم الأحد من كل أسبوع لمدة شهر بداية من الأحد القادم ويتم مراجعة القرار بعد مرور الشهر في حالة توقف الحرب الأمريكية الإسرائيلية الإيرانية والتي مر عليها أكثر من شهر في ظل صراع بين عدة أطراف

ولكن موضوع تحديد المستهدفين من العمل عن بعد ودي مسؤلية كل مدير وصاحب مصلحة في القطاع الحكومي والقطاع الخاص يجب تنفيذه بحذافيره بكل حسم وعدم التهاون اطلاقا

يطبق علي كل الإدارة كلها وليس جزء من الإدارة مثلا لو فيه غرفة بها 10موظفين وال 9خدوا العمل عن بعد وفيه موظف واحد جه الصبح طبعا لما بيدخل علي مكتبه يولع النور يبقي احنا معملناش حاجة وكمان طرقات المصالح الحكومية ليه منورة ليل نهار افتحوا الشبابيك واطفوا الإنارة ملهاش لازمة الإنارة

وكمان مكتب المسؤل ولا المدير اللي مساحته اد عزبة ولا نجع كفاية لمبة واحدة ونور ربنا موجود

وهذا الموضوع لازم يكون أسلوب حياة لينا كلنا زي ما حضرتك تقوم تطفي الإنارة في بيتك خاف كمان علي المكان اللي بتشتغل فيه

وكمان وزارة الكهرباء تشوف يوم الاحد وفرنا كام ميجاوات ولا كام كيلو وتقيس الأمر علي يوم الأحد من الاسبوع الماضي ووفرنا كام وايه الثغرات اللي لازم تتقفل عشان يبقي القرار مفعل كويس

وكمان العربيات الحكومية ايه المانع 3مسؤلين يركبوا مع بعض ولا ممكن المسؤل ممكن يركب مواصلات زبه زي الموظف ماهو بياخد مرتب وحوافز يومية اكتر من الموظف يبقي. يركب ميكروباص زيه زي الموظف عارف ان الكلام مش هيطبق بس لو فيه حد عنده معلومات عن دول تطبق الكلام دا يقوله عشان نعمل دراسة ونقول فائدة ذلك والدول التي سبقتنا في ذلك

عايز اقول أحد الوزراء لما كان مجلس الوزراء في القصر العيني كان بيجي عن طريق مترو الانفاق الله يرحمه ويغفر له ويسكنه فسيح الدكتور هشام عرفات وزير النقل

هل ممكن نفعل موضوع عربية واحدة لكل 3مسؤلين في الجهاز الإداري للدولة

وكمان شوف حضرتك لما يبقي جولة لأحد المحافظين كام عربية ورا المحافظ طب ماتركب ميكروباص واحد كلكم

هو انتوا زعلانين من بعض

كلنا في مركب واحد وعلينا العمل بجد و وطنية كل في موقعه من اجل الصالح العام والوطن ولا سبيل لتقدم أي أمة إلا بالعمل والإخلاص والانتماء للوطن

حفظ الله مصر