تغيير سلوكيات المواطنين قضية مجتمعية وعمال النظافة مجني عليهم يكتبه حسن ابوخزيم

قضية جوهرية تابعت عددا من الكتابات علي مواقع التواصل الاجتماعي تتحدث عن القمامة أو سميها الزبالة المنتشرة بالشوارع وعدم نظافة بعض الشوارع واقول

للذين من يتحدثون عن تراكم القمامة وعدم نظافة بعض الشوارع

في البداية كان الله في عون عمال النظافة اللي بيشتغلوا في عز حرارة جهنم والشمس الخارقة وحتي في الشتاء تجدهم عز الأمطار شغالين ليل نهار ومحدش بيكل ولا يمل في ظروف صعبة متدنية ومرتبات قليلة جدا

ثانيا اعداد عمال النظافة قليل جدا والمشرفين أكثر من العمال وعدم وجود الإمكانيات لا المعدات ولا المادية تكفي

ثالثا حتي النواب اللي بيكتيوا عن القمامة لم يتحدثوا عن ضرورة تعيين عمال نظافة جدد لزيادة أعداد عمال النظافة من اجل نظافة الشوارع

رابعا اعداد عمال النظافة القليل يجعل المحافظات يتم توزيعهم علي الشوارع العامة والمحاور المرورية العامة

خامسا ..خلت الشوارع الداخلية والخواري من عمال النظافة

سادسا ورغم قيام المواطن بدفع رسوم نظافة علي عداد الكهرباء مفيش حد من المحافظة بياخد منه القمامة وكل المواطنين عاملين اشتراكات شهرية مع شركات خاصة اللي محدش عارف هي تبع مين ودون التزام

سابعا .هناك مواطنين مش معاهم فلوس بياخد الزبالة وهو طالع الصبح يروح رميها قدام البيت بتاعه اقسم بالله العظيم ليحدث بصفة يومية من بعض السيدات والرجال والشباب بدلا من يرميها في المكان المخصص لا يرميها بالشارع

ثامنا ..عدم واختفاء صناديق القمامة بالشوارع وزمان بعض المحافظات جابوا صناديق بلاستيك فيه ناس سرقتها عشان تخزن فيها حاجات مش عارف ايه

المشكلة والحل هو تعيين عمال نظافة جدد ودخول عمال النظافة الشوارع الجانبية والتنبيه علي الناس ويبقي سلوك الناس مش تعليمات ولا قرارات محدش يرمي زبالة بالشارع

وبص وراعي عمال النظافة اللي شغالين في درجات حرارة انت مش تقدر تقف 5دقائق في الشارع وبتجري تستخبي تحت شجرة لو فيه شجرة

سلوكيات محتاجة تغيير الي الافضل وتغيير السلوكيات

يبدأ من الأسرة والمدرسة اللي تربي الطفل علي السلوكيات الافضل والأخلاق الحميدة وتعلمه ولو كل يوم حصة بالمدرسة وبناء الأمم يبدأ من الصغر للاطفال والحفاظ علي المشروعات العامة لأنها ملك الشعب والأجيال القادمة